التشخيص المعملي للفيروس الكبدي B

التشخيص المعملي للفيروس الكبدي  B

زى ما احنا عارفين ان فيروس B من الفيروسات. اللى بتتنقل عن طريق الدم (Parenteral transmission) (بمعنى نقل دم ملوث بالفيروس لشخص سليم او استخدام جهاز غسيل كلوى معدى بالفيروس) و كذلك بعض الممارسات الاخرى زى رسم الوشم و استخدام ادوات شخصيه لشخص مصاب القصافات و المقصات و ادوات الحلاقه تحمل كلها (risk factor) للعدوى بالفيروس

بالاضافه الى ذلك ينتقل فيروس B بالاتصال الجنسي بين الزوجين و كذلك ينتقل من الام الحامل للجنين (Perinatal transmission)

تقريبا حوالى 50% من الحالات المصابه لا تظهر عليها اعراض (Clinically silent) اما النسبه الباقيه فتظهر عليها اعراض مشابهه للاصابه بفيروس A و لكن اقل حده

يعتمد تطور الحاله المرضيه على السن الذى حدثت فيه الاصابه

فالاصابه فى الاطفال لا يستطيع الجسم التخلص منها بسهوله و تتحول 90% من الحالات الى حالات chronic منهم حوالى 25% يحدث لهم cirrhosis

اما فى البالغين. ففقط 5% من الحالات تتحول ال حالات chronic منهم حوالى 15% يحدث لهم cirrhosis.

و يوجد ثلاث اشكال فى الحالات ال chronic

.الاولى :. هى ال (Chronic persistent hepatitis) و دى بتمثل حوالى 70% من الحالات و تتميز باستقرار الحاله و التكسير البسيط لخلايا الكبد و بالتالي الارتفاع الطفيف للانزيمات .

.الثانيه :. هى (Chronic active hepatitis) و دى بتمثل حوالى 30% من الحالات الحالات و تتميز بالتكسير الشديد لخلايا الكبد و ارتفاع الانزيمات .

..الثالثه : ..هى (Chronic HBV carriers) و دى حاله خاصه بيحصل ان الفيروس مش بيتكاثر و بالتالي مستواه فى الدم بيبقي قليل و تاثيره على الكبد بيبقي اقل ما يمكن و الانزيمات طبيعيه و لكن لاحظ ان الشخص الحامل للمرض رغم انه شخصيا لا يتاثر به الا انه يعتبر معدى للاخرين

.التشخيص الطبي لفيروس B .(على عكس فيروس A) لا يعتمد على الفحص الطبي اذ ان الاعراض تتشابه مع امراض الكبد الاخرى كما لا يمكن تشخيص الاصابه من مجرد ارتفاع الانزيمات .

و لذلك لابد من اجراء الاختبار المعملي للكشف عن الفيروس (HBV serology).

و حنحاول نفهم الجزئيه دى بهدوء لانها كبيره و بتلخبط ناس كتير .

.اولا : لازم نعرف ان فى ثلاث بروتينات هامه فى تركيب الفيروس B (نقدر نقول عليها انتيجينات) ..

..** ال (HBsAg). .

و ده بروتين السطح surface اللى بيغلف الفيروس و ده اسرع حاجه هتظهر فى دم المريض بعد الاصابه بحوالى 4 اسابيع و طبعا قبل ما اى اعراض تظهر .

.** ال (HBeAg).

او بروتين الغلاف envelope و ده مش بينتج فى كل الحالات انما فقط بيبقي موجود فى حالات تضاعف الفيروس (high viral replication).

.** ال (HBcAg) .

او بروتين القلب core و ده مش بيظهر فى الدم و مقدرش اقيسه معمليا .

و طالما فى ثلاث انتيجينات فى الجسم يبقي اكيد جهاز المناعه حيكون ضدهم ثلاث اجسام مضاده مختلفه:.

.** ال (HBsAb.)

ظهور هذا الجسم المضاد معناه ان الجسم تغلب على الفيروس و اخد مناعه ضد اى اصابه مقبله بالفيروس .

و ده اذا حصل بعد الاصابه و فى مده لا تتجاوز 6 شهور نقدر نقول ان الجسم تخلص من الفيروس اما اذا لم يحدث ظهور لهذا الجسم المضاد و استمر ال HBsAg فى الدم لاكثر من 6 شهور نقدر نقول ان الحاله اصبحت chronic.

.** ال (HBeAb) .

هذا الجسم المضاد اذا ظهر لا يعنى تخلص الجسم من الاصابه و لا يعطى مناعه للمريض و انما ظهوره يترافق دائما مع نقص كبير فى تضاعف الفيروس (lower HBV replication).

.*** ال (HBcAb).

و يمككنا معمليا قياس ال IgM and IgG لهذا الجسم المضاد و يعتبر ال HBcAb-IgM هو ثانى اسرع حاجه تظهر فى دم المريض (حوالى شهرين بعد الاصابه) و بيستمر حوالى 6 شهور ثم يختفى ليظهر ال HBcAb-IgG و يستمر فى الدم فتره طويله و ان كان لا يعطى مناعه .

. .معمليا اقدر اعمل (detection) ل 6 مراكز لفيروس B.

و بالتالي ممكن يبقي عندى الحالات الاتيه:..

..الحاله الاولي...

. HBsAg سلبي .

HBeAg سلبي.

. HBsAb سلبي.

HBeAb سلبي.

. HBcAb-IgM سلبي.

. HBcAb-IgG سلبي.

هنا الشخص مش مريض فيروس B انما بالطبع عرضه للاصابه فالفيروس فى اى وقت لان مفيش مناعه (Susceptible patient) و بالتالي ينصح اذا كان من المتعرضين لخطر العدوى انه ياخد التطعيم ضد الفيروس .

و هو عباره عن بروتين ال hepatitis surface antigen المصنع بتكنولوجيا الهندسه الوراثيه و الذى يعطى على ثلاث جرعات (جرعه اولى ثم الثانيه بعدها بشهر ثم الثالثه بعدها ب 6 شهور) لحث جهاز المناعه على انتاج ال (HBsAb) بما يعطى مناعه دائمه للشخص.

..الحاله الثانيه...

. HBsAg سلبي.

. HBeAg سلبي.

. HBsAb ايجابي.

. HBeAb سلبي.

. HBcAb-IgM سلبي.

. HBcAb-IgG سلبي.

و ده حاله شخص واخد التطعيم (Vaccination) حيث ان الماركر الوحيد الايجابي هو HBsAb .

..الحاله الثالثه...

HBsAg ايجابي .

. HBeAg سلبي.

. HBsAb سلبي.

. HBeAb سلبي.

. HBcAb-IgM سلبي.

< HBcAb-IgG سلبي.

و ده حاله مريض فى بدايه الاصابه (very early infection) حيث ان اسرع ماركر ظهورا هو ال HBsAg و بالطبع الحاله حيكون فيها تحليل ال HBV DNA By PCR)) ايجابي .

..الحاله الرابعه...

. HBsAg ايجابي .

. HBeAg سلبي.

. HBsAb سلبي.

. HBeAb سلبي.

. HBcAb-IgM ايجابي.

. HBcAb-IgG سلبي.

و دى حاله (Recent infection) و هى نفس الحاله الثالثه لكن بعد مده زمنيه اطول لان هنا الجسم استجاب للعدوى بخروج الجسم المضاد HBcAb-IgM و برضه تحليل ال HBV DNA By PCR)) حيطلع ايجابي.

..الحاله الخامسه...

. HBsAg سلبي.

. HBeAg سلبي.

. HBsAb سلبي.

. HBeAb سلبي.

. HBcAb-IgM ايجابي.

. HBcAb-IgG سلبي.

دى بقه حاله خاصه اوى اسمها ال (core window).

هنا لو تاخد بالك ان الماركر الوحيد الايجابي هو ال HBcAb-IgM و ده مبدئيا معناه الاصابه بالفيروس فعليا .

لكن فين ال HBsAg ازاى مش موجود

الابحاث بتقول ان خلال الفتره دى من الاصابه الجسم فعليا بدء مرحله التغلب و التخلص من الفيروس و ذلك يتصنيع ال HBsAb و الذى ارتبط بال HBsAg مكونا immune complex تمهيدا للتخلص منه و بالتالي فمعمليا لا استطيع خلال تلك الفتره عمل detection لايا منهما و يكون الماركر الوحيد الايجابي هو ال HBcAb-IgM.

و هذا ما دفع منظمه الصحه الهالميه انها تعمل recommendation بيقول انه لتشخيص فيروس B يجب اجراء تحليل (HBsAg) و تحليل (HBcAb-IgM) معا .

..الحاله السادسه...

. HBsAg سلبي.

HBeAg سلبي.

. HBsAb ايجابي.

. HBeAb سلبي.

. HBcAb-IgM سلبي.

. HBcAb-IgG ايجابي.

دى الحاله اللى بعد ال core window و ده ال (Recovery) هنا خلاص الجسم تغلب على الفيروس و تخلص منه و اصبح ال HBsAb ايجابي و الشخص عنده مناعه دائمه و كذلك اختفي ال HBcAb-IgM و حل محله ال IgG (و ده اللى يفرق ال old infection عن ال vaccinated patient ).

..الحاله السابعه...

. HBsAg ايجابي.

. HBeAg سلبي.

. HBsAb سلبي.

. HBeAb سلبي.

. HBcAb-IgM سلبي.

. HBcAb-IgG ايجابي.

و ده مريض (Persistent chronic infection) هنا الجسم فشل فى التخلص من الفيروس و اصبحت الاصابه مزمنه و طبعا ال HBV DNA By PCR)) حيطلع ايجابي لكن غالبا بيبقي (low viremia).

.

..الحاله الثامنه...

. HBsAg ايجابي.

HBeAg ايجابي.

. HBsAb سلبي.

. HBeAb سلبي.

. HBcAb-IgM سلبي.

HBcAb-IgG ايجابي.

و ده مريض (Active chronic infection) هنا الجسم فشل فى التخلص من الفيروس و اصبحت الاصابه مزمنه و طبعا ال HBV DNA By PCR)) حيطلع ايجابي و (high viremia) لان ال HBeAg الماركر الخاص بتضاعف الفيروس ايجابي.

..الحاله التاسعه...

HBsAg ايجابي.

. HBeAg سلبي.

. HBsAb سلبي.

. HBeAb ايجابي.

. HBcAb-IgM سلبي.

. HBcAb-IgG ايجابي.

و ده مريض (Chronic HBV carrier) و طبعا هنا هو مريض مزمن لكن زى ما قولنا تاثر الكبد يكاد يكون منعدم لوجود ال HBeAb و فى اغلب الحالات دى بيبقي ال HBV DNA By PCR)) سلبي.

و دى مثال لحاله ال (HBsAg) فيها ايجابي و ال (PCR) سلبي .

لكن السؤال هنا هل ينفع العكس ال (HBsAg) فيها سلبي و ال (PCR) ايجابي.

اه ممكن و دى حاله اسمها (Occult hepatitis B virus infection).

و موجوده فى دول اسيا (معرفش موجوده فى مصر و لا ايه) و بيبقي فى طفرات فى بروتين ال surface تمنع ظهوره مع التحليل التقليدى و لكن ال (PCR) بيطلع ايجابي عادى .