#الميكروب_الحلزوني ...

#الميكروب_الحلزوني ...
د. احمد حجاج

قبل سنة 1981م محدش كان متخيل إن فيه جرثومة تقدر تعيش في المعدة وتتكاثر وتعمل مشاكل في المعدة زي القرحة وغيرها ...
ببساطة لأن حمض المعدة كفيل يفتك بأي جرثومة ... حمض المعدة حاجة كده زي مية النار !!

قبل الوقت ده كان الحل الوحيد لقرح المعدة هو الجراحة ! وكان الدكاترة ياخدوا الجزء المتقرح ده بعد استئصاله ويحللوه يلاقوا جواه ميكروب ... فيقولوا مش ممكن طبعا ده أكيد ميكروب بيستعبط ولا سكران أو استغل مرض الجزء ده من المعدة فعرف يعيش فيها !!
لحد ما ظهر دكتور استرالي سنة 1981م اسمه باري مارشال وقال طب ليه منفترضش إن الميكروب ده هو السبب ؟!
كل ما يتكلم في الموضوع ده في مؤتمر أو وسط زمايله يقولوا له : إنت عبيط يا جدع إنت ولا شكلك كده ؟! فيه ميكروب يعرف يعيش في المعدة بحموضتها دي ؟!
واجهته صعوبات لدرجة ملقاش متطوعين يعمل عليهم اختبارات ! وفي سنة 1984 قرر يعمل حاجة مجنونة !
عمل لنفسه منظار وصور معدته وهي سليمة وبعدين جاب شوية ميكروب من اللي بيلاقوها في المعدة دي وبلعها وخلال كام يوم جاله أعراض المرضى بتوع القرحة : حموضة وغثيان وألم في البطن ورائحة فم كريهة ... وبالفعل عمل منظار تاني لقى التهابات الأمعاء بدأت في الظهور والميكروب تكاثر وعمل مستعمرة في المعدة !! ومن يومها بدأت رحلة البحث عن العلاج اللي هو اكتشفه برده وهو بعض أنواع المضادات الحيوية ... وخد على اللي عمله ده جائزة نوبل سنة 2005 بعد 24 سنة من اكتشاف الميكروب !!
أعراضه إيه بأه :
ألم في المعدة -تحت الصدر مكان المعدة مش تحت السرة- معاه حموضة وغثيان ورائحة كريهة في الفم واضطرابات في الأمعاء ...

 ..ميكروب المعدة.......
...الميكروب الحلزونى H-pylori
طبعا اكتر من 50% من الشعب المصرى مصاب بيه بسبب الطعام والشراب الملوث :(
هى نوع من البكتريا تسمى بالجرثومة الحلزونية وتقدر تحمى نفسها داخل المعده عن طريق افراز مادة من النشادر تحيط بها جدارها الخلوى وبالتالى تعادل العصارة الهاضمة الحمضية للمعدة بجانب انها بتخترق الخلايا المبطنة للمعده لحماية نفسها من العصارة الهاضمة وبسبب الاختراق ده بتؤدى إلى تقرحات بالمعده
اسبابها
الطعام والمياه والخضروات الملوثة
وكمان بتتنقل من الشخص المصاب للاشخاص الغير مصابة عن طريق لعاب وبراز المريض والطعام والشراب الملوث بفضلات الشخص المصاب
أعراضها :
آلام شديدة في المعدة
حموضة مستمرة
غثيان وقئ
ظهور رائحة كريهة بالفم .
خمول وارهاق
نقص في الوزن وفقدان شهية
ممكن يحصل قىء دموي وطبعا تلون البراز بلون داكن وتحوله للون الاسود .
مضاعفات الاصابة
بعض المضاعفات من الإصابة علي المدى البعيد ومن هذة المضاعفات الإصابة بالقرح المعدية وقرح بالأثني عشر وقد تصل إلي حد الإصابة بسرطان المعدة .
التشخيص المعملى تحاليل الميكروب ؟؟؟؟
1 – تحليل دم H-Pylori Ab .
فيه يتم إختبار وجود أجسام مضادة للميكروب بدم المريض أم لا و التي تستمر وجودها في دم المريض لأكثر من عام منذ إصابته بالميكروب .
2 – تحليل براز H-pylori Ag in stool
و يتم فيه إختبار وجود أجسام الميكروب في براز المريض .
3 – Endoscopy H-pylori
أخذ عينة من معدة الشخص المصاب بالمنظار وتحليلها وعمل مزرعة بكتيرية لها .
4 – Urea breath test
يتم فيه قياس نسبة ثاني أكسيد الكربون في هواء الزفير وعند زيادة نسبته يدل ذلك علي وجود نسبة كبيرة من اليوريا بمعدة المريض الشئ الذي يؤكد أصابته معمل الحريه دقة تستحق الثقه